حمزة نمرة المصري قدها

كلمتك زي الدهب
كلمتك عقد اتكتب
كلمتك شرط ووجب
عهد وعليه اتحسب

كلمتك سيف مش هزار
وعد يحترمه الكبار
المصري دايما قدها
المصري راجل باختصار

كل كلمه قلتها
فوق كتافك شلتها
دايما الناس الاصيله
اللي توفي بوعدها

بالدليل مش بالكلام
فيك رجوله والتزام
بالاصول والشرط نور
مش بتوعد والسلام

اصلي واصيل معدنك
غالي وكلامك ميزان
من كلامك نوزنك
نعرف الناس باللسان

الكلمه عهد يﺆتمن
وكل حرف له تمن
كلمتك قادر يصونها
مهما هيفوت الزمن

عن العمل

Hamza Namira - El Masry Addaha (Official Lyric Video - 2025) | حمزة نمرة - المصري قدها

كلمات: محمود فاروق
ألحان: حمزة نمرة
توزيع: كريم عبد الوهاب
ميكس وماستر: كريم عبد الوهاب