منه فاضل هضرب فلاش ( كلاب حراس )

خليك فصفي عشان بصفي
حواليا صيني كتير
والخوف يا صاحبي انك تكون
وسط اللي باع بضمير
انا ابويا قالي ما تتساهلش
فحق كان يوم ليك
وان اللي باع دا ميستاهلش
يميل بكتفه عليك

من اجل كاش بعتوا ببلاش
وعملتوا فيها صالحين
والله عاش هضرب فلاش
وتعيشوا معمين
دايما بقول غايبه الاصول
عنكم وكله كلام
وقفلت باب الود انا
من غير يا صاحبي سلام

هنذيع ونوري الناس ندالتكم واصله لفين
ونبيع نفتح دفاتركوا وشوفوا عليكوا كام دين
لا خلاص انا صاحبي دراعي وهجيبلي كلاب حراس
هتكون اوفى منكم بكتير

عماله اعدي واقول هتهدي
مش لاقيه فيكي الخير
لا يادنيا اوعي تستحلي وجعي
هتكوني كدا مش فير
شوفت الصحاب بقي ليها ناب
ازرق ومليان شر
دا الغل ساد بين العباد
حتي القريب بيضر

حبه عيال اشباه رجال
والعشره عليها تهون
هنسي اللي كان واحذف كمان
ارقامكوا م التليفون
سيبك وعدي واوعي تدي لحد تاني امان
دا فيه خلق عايشه فالكدب دايسه واخدين لقب فنان

هنذيع ونوري الناس ندالتكم واصله لفين
ونبيع نفتح دفاتركوا وشوفوا عليكوا كام دين
لا خلاص انا صاحبي دراعي وهجيبلي كلاب حراس
هتكون اوفي منكم بكتير

علي حقي هجري واقوي ضهري
دي الغابه عايزه وحوش
بطلت ادي واسمع لقلبي
اه يا ناس ما يتامنوش
مين قال زمان ان الحياه
مليانه حلو ومر
دا انا شوفت منها المر لسه
الحلو انا ما دقتوش
هتروحوا فين دا الظلم دين
والدنيا بكره تدور
دا سواد سنين جبتوه منين
بيني وبينكم سور
بسببكوا ضعت علشان سمعت
منكم كتير اعذار
دلوقتي فوقت ليكوا وبدات
اخد كمان بالتار

هنذيع ونوري الناس ندالتكم واصله لفين
ونبيع نفتح دفاتركوا وشوفوا عليكوا كام دين
لا خلاص انا صاحبي دراعي وهجيبلي كلاب حراس
هتكون اوفي منكم بكتير

عن العمل

منه فاضل :: هضرب فلاش ( كلاب حراس )
كلمات : عفت الشناوي
الحان : حاتم محسن
توزيع ومكساج : حاتم محسن
كمنجات : هشام مصطفي
تم تسجيل الصوت في ستوديو conga studios
تم تسجيل الكمنجات باستوديو blue _ مهندس ماهر الملاخ
Line produser : دينا ياقوت
تصوير واخراج ومونتاج : احمد علاء الجندي
ميكب ارتيست : ساره فتح الله
ستايليست : هبه رزق
لوكيشن : كافيه اكوادور
انتاج : conga studios
حاتم محسن & علي عبدالله