عبدالله ال مخلص تردك ظروفك 2019

عليك عيني دمعها مدرار
ياليت بعدك يالغلا ماصار
لكن كذا شاءت بنا الاقدار
يالله عسى برق الوصال يلوح

من بعدك الشوق انزرع فيني
مسقيه من مجرى شراييني
وان مر زولك ترجف ايديني
واحس روحي يالغضي بتروح

اتخيلك واسهر مع اطيوفك
واحن لك واتمتم احروفك
وانا ادري انها اتردك اظروفك
والا انت مالك بالجفى مصلوح

ماغيرك اللي مشغل بالي
واهروج غيرك لا ما تحلالي
غالي علي وان غبت ابد غالي
والصدر لك ياسيدي مشروح

عوج المحاني لك ومدهالك
اتمخطر ابها واقعد لحالك
مادام قلبي لك ومنزالك
اقلط على فال الغلا وصحوح

اللي لي انك تقمع الغيبه
واللي لك ان حبك اماريبه
ولايلحقك بي شكه وريبه
مادامك اغلى من سكن بالروح

عن العمل

عبدالله ال مخلص - تردك ظروفك (حصرياً) | 2019
Trhodak Dhrofak - Abdullah Al Mokhles (EXCLUSIVE) | 2019

كلمات : وليد بن محمد
مكساج وتوزيع : ستديو الأصالة م.حازم الأبيض
تصميم وجرافيكس : عبدالعزيز
توزيع ديجيتال : الفان ميوزك