بدر العزي استرسل الشوق 2019

استرسل الشوق من لذه رحيق الغرام
ياقمه الذوق ياكميه الاحترام
تغيب ويمرني طيفك مرور الكرام
في ذمتي مانقص مثقال ذره غلاك

يامهجه القلب تدري عنك مالي غناه
سرت اقرب الناس يانبض الوتين ومناه
خاطرك اداريه مثل الي يداري ضناه
تبقى المبداء على غيرك عساني فداك

سلهمت عينه
موت في حينه
هبت الغربي
تشهد بزينه

هايم بحبه
واصل الغبه
لويشهر بي
نذر ماكبه

نشوه جمالك ينادمها الصخب والسكون
اثمل بشوفتك والعذال مايدركون
دايم على البال متواجد معي حيث اكون
بالمختصر ياعديل الروح قصدي رضاك

هرمون جلب السعاده يكمل بجيته
يعجبني اسلوبه الملهم وشخصيته
في داخله طفل يتمادى بعفويته
نسبه ثقه جاوزت نسبه خجل وارتباك

تعمه بغيك
لعنبو حيك
سحر في اي بي
ماهم بزيك

يالحلا كله
دقه وجله
زادي وشربي
شخص مامله

تيار حبك جرفني غصب في التهلكه
ماعرف طريق النجاه منين حتى اسلكه
اصبحت اسيرك زمام امري معك تملكه
ماني معاتبك مهما اخطيت ابدمح خطاك

ياخلي اهواك واحنك واقدرك حيل
تكفا تراني طلبتك لاتطري الرحيل
العاطفه تستشف الصعب والمستحيل
والنفس تحيا بوصلك والمفارق هلاك

ساقني يمه
حاجه مهمه
لاجلس قربي
ودي اضمه

احسبه جاهل
غرو يستاهل
في الترف مربي
مستوي ناهل

ياقره العين همسي بالحنين اسمعه
نشط حساب العلاقه والشتات اجمعه
لبي نداء الي تودد لك وخلك معه
تبلغ مكانه كبيره مابلغها سواك

صدق المشاعر تجاهك يندفع بانسياب
ادخل على الله تعوضني بطول الغياب
مرت سنه كن تنهش في جنوبي الذياب
الذهن شارد وضيق الوقت عني حداك

طبعك القاسي
يجرح احساسي
خاف من ربي
يابعد ناسي

جددت نوحي
ترجمه بوحي
ياضياء دربي
وين ماروحي

عن العمل

بدر العزي - استرسل الشوق (حصرياً) | 2019
Bader Alezzi - Estarsal Alshouq | (Exclusive) 2019

كلمات شاعر الهيجاء : عيضه بن جوده
توزيع ومكس : تون لايف
تصوير السمح البارقي
تصميم : عبدالعزيز
توزيع ديجيتال : الفان ميوزك