كلمات اغنية المقصص سارق الطلي محمد حسين ابو نصار

حمدا لمولى القدره
لما قضى في امره
وازكى السلام للخبره
ومن سكن في نعمان

سلام كله تقدير
وفي ختامه تشهير
لكل ظالم جبير
منكر حقوق الانسان

يكون لديكم معلوم
يحيى حسين المظلوم
والكبش امره مفهوم
وابن المقصص غلطان

قولوا لكاره نفسه
يعقل ويجمع حسه
يرد كبشي نفسه
لا يعتبرنا خبلان

المساله مش سهله
الكبش يدي مثله
وان تمشقر عقله
هذا الفرس والميدان

الكبش عاد بعده ناس
الفاتر الفاتر فاس
رجال مثل الامواس
ولا يهموا خسران

قالوا حكم من اهله
وانت حكم مثله
فقلت انا قابل له
وشهدكم يا اخوان

مسكين كبشي مخلوف
صلط له الله منتوف
اكل عظامه والصوف
والروث سواه يرقان

اخوه حسين يشهد لي
واحمد حميد والصعدي
كذلك احمد حمدي
وكم وكم يا اخوان

الراعي اكبر شاهد
ان المقصص حاقد
غثا البشر ما واحد
الا وقلبه مليان

اليك يا عبد الله
حاكي لنا عبد الله
قال انه عبد الله
وهو من عباد الشيطان

يظهر لك انه مجرم
ظالم لنفسه محرم
اطالبه ويدعمم
كان امره سيان

شوفوا جبينه حارق
يشبه جبين السارق
والله ما به فارق
بينه وبين الشيطان

اين الطلي يا ظالم
مالك لامره كاتم
مولى القبيحه نادم
وان طوته الازمان

رحلك من الموغاده
وافهم كلام الساده
اذا الطمع لك عاده
فالناس ماهم خبلان

الكبش حقي يا ناس
شله قليل الاحساس
لو هو فقير مابش باس
شا قول ثواب للرحمن

لو كان انسان عاقل
ما يبتلح ويجادل
يشل كبشي باطل
هذا اساس الطغيان

قل له اذا هو واعي
يسمع كلام الراعي
يدي طلي بيباعي
ويرسله الى نعمان

يا كبشي الغايب عود
انا لفقدك مبلود
ولا عليا منقود
لا همت بك في الوديان

قل للمقصص يكفي
او يشتي افتح لقفي
ما له لكبشي مخفي
جعل كثير النسيان