متعب بن دخنه انا القاسي 2023

نسيتك واستلذيت العمر وارتحت وشبك جاي
تبي نرجع لا والله ماني الليله على خبرك

تقول انك صبرت ولا لقيت لضحكتك شراي
اخذ اسفك من بين الكلام وروح مع صبرك

حبيبي مين مانت بلي حبيب ولانت ضمن عداي
كثر ماكنت اعبر جيتك ماعاد معتبرك

نسيت انك مسلمني بيدينك للسهر وبكاي
نسيت ان قلت لك ماعاد نتلاقى وقلت ابرك

انا الي كنت في رجوى حنينك والعمر عداي
تجود بكسر خاطر عبرتي وتشح في جبرك

ترى مافيه داعي تنبش الماضي انا النساي
بعد ماكنت اوثق كل لحضه معك واختبرك

تخيل عاد ماعاد اتخيل صورتك وياي
بكيتك لين جرتك الدموع وطحت من كبرك

تحسب انك بتبريرك على جرحي تجيب اقصاي
تراني ساكت انتظرك تخلص منه واعبرك

انا القاسي لو تصير السوالف من وجعها ناي
وانا الجافي لو تشوف الليالي حافره قبرك

معك ماعاد يهزمني حنيني والمهم رضاي
بعد ماشفتك تهيم الفراق وطايل شبرك

وجاي الحين تسال عن وصالي من بعد فرقاي
انا ماني على خبرك ولا قلبي على خبرك

عن العمل

متعب بن دخنه - أنا القاسي (حصرياً) | 2023
Matub Bin Doknah - Ana Alqasi (EXCLUSIVE) | 2023

كلمات : محمد عبدالله السيد
الحان : متعب بن دخنه
توزيع ومكس : حازم الأبيض
تصميم وجرافيكس: عبدالعزيز