متعب بن دخنه ضحكات خلي 2024

وش تبين من المطر والغيم يا ضحكات خلي
من يشوفك شاف نوض البرق في عرض المخيله

زابن الصوت الرقيق وزابن الوجه المهلي
لا تسيل وادي مانيب متحري مسيله

امسك ايدي لين اجي كلي معك واروح كلي
واعتبرني تايه في الدرب خلاك الدليه

انت لك رمش ليا منه ذبح عود يصلي
والا انا مالي على شي عطاك الله حيله

شايف في عيونك الثنتين ترحالي وحلي
وصامت صمت الصبور اللي على جمر المليله

تشرق الشمس وتغيب الشمس وانا في محلي
اتصبر واعرف الغايه ولا اعرف الوسيله

من عذلني منك قلت الموت عنده جايزلي
وان بغى قتلي طعنت الروح لين اشفي غليله

فدوه الطرف الكحيل وفدوه الغمازه اللي
ضاميه من مبسمك ولا روت من سلسبيله

عن قبال يسرق الالباب مانيب امتخلي
ناسل روحي على متنك مثل نسل الجديله

ان ضحكت تعلم الازهار وشلون التجلي
وان بكيت تساوي النفس العزيزه بالذليله

من عرفك وما قضى عمره طروب ومسفهلي
من لقاك وما لقى الدنيا مثل وجهك جميله

منت بالظبي الجفول ومنت بالظبي المفلي
الظبا ما تسجن العاشق ولا تخلي سبيله

لا تعلمني على فرق الغرور من التغلي
العيوب اللي على غيرك عليك من الفضيله

عن العمل

متعب بن دخنه - ضحكات خلي (حصرياً) | 2024
Mtaub Bin doknah - Dehkat Khele (Exlusive) | 2024

كلمات : ناصر مناحي
انتاج فني : تون لايف