عبدالله ال فروان و غريب ال مخلص ليتك تروف 2018

حل ريح البرد وايام الشتا
ياعشير الروح قلي لا متى

ويل من شوقه على عوقه غدابه
لا قساه البرد ياوجدي عليه

طالت الغيبات قلي وش بقى
لا متى والحال في هم وشقا

برد شوقي هلت مزونه صبابه
ليت مزن الشوق يزهر جرهديه

ياحمام الدوح يكفي لاتنوح
لويهيض الشوق فيني وين اروح

دام بيت الوصل عني صك بابه
ليت بابه ينفتحلي لجل اجيه

يابري حالي على قلبن وفى
لو يزيد الجمر حوله ما دفا

برد شوقه ماتدفيه اللهابه
بغير ضو الوصل ماتدفى يديه

يازين ياترف الصبا
غيبت يا خشف الضبا
ماعاد جا منك نبا
واليوم في غيبتك عام

الليل دونك في سهر
من غيبتك ياهو قهر
البدر يطلع في شهر
وين انت يا بدر التمام

ياصاحبي ليتك تروف
قلبي من اشواقه شغوف
ياليتها عيونك تشوف
من كان مثلي ما يلام

انا من الصبر اكتفيت
باقي على عهودي وفيت
ياشمعتن مني طفيت
خليتني بين الظلام

الحب لك والشوق لك
من كل قلبي اشتقتلك
فالقلب باني منزلك
للقلب ياساكن نظام

من يسكنه مايتركه
صدتك عنه تهلكه
مادام صكه تملكه
الصد عن بيتك حرام

قلبي من اشواقه رجاك
تلعب به اللهفه وجاك
ليه انت غايب في سجاك
والقلب يغشاه الهيام

انت الغلا وانت الحلا
وانت اللي بالقلب اعتلا
من دون وصلك ماسلا
تمسي جراهيده حيام

مشتاق لعيون المها
و لورد في خدك زها
ولغصن في عودك رها
وطبوعك الغر الحشام

شوقتني واشقيتني
على الصبر خليتني
ماجيت لك ماجيتني
لامن كلام ولا سلام

الحب لك والشوق لك
من كل قلبي اشتقتلك
فالقلب باني منزلك
للقلب ياساكن نظام

من يسكنه مايتركه
صدتك عنه تهلكه
مادام صكه تملكه
الصد عن بيتك حرام

يالنور في عتم المسا
ياللين في وقت القسا
ابنتظر عل وعسى
قلبن يحبك مايضام

مهما تباعدنا السنين
لو زاد بي شوق وحنين
ابنتظر وصلك يحين
مادونك يشل الغرام

سوى سوى نبقى سوى
اثنين يجمعنا الهوى
والقرب ياخلي دوى
مانشتكي بعده سقام

والختم يالغرو الظبي
ماغير قربك مانبي
هذا وصلاتي عالنبي
به ينتهي مسك الختام

عن العمل

ليتك تروف - عبدالله ال فروان وغريب ال مخلص | ( حصرياً ) 2018
Letak Torf - Abdullah Al Farwan And Ghryeb Al Mokhles - ( Exclusive) 2018

إشراف وتصميم : محمد الشمري
توزيع ديجيتال : الفان ميوزك
كلمات : صالح بن نعير
اداء : عبدالله ال فروان
اداء : غريب ال مخلص