بدر العزي العيد هل 2025

العيد هل و فرحه العيد لقياك
ياللي بشوفك تجعل العيد عيدين

عيد عليك يعود وبعيد ذاكراك
تسقي هشيم في ضميري من سنين

ياللي غيابك طال وانا اتحراك
بعد الفراق اللي حصل بين روحين

دارت بي الافلاك من بعد فرقاك
ومشاعر العشاق مثل المساجين

اطلق سراح الشوق و اقول لباك
انا معايه قلب ماهوب قلبين

معي خيالك وين ما رحت وياك
مع الجفا والهجر والصد والبين

طله صباح العيد على محياك
مثل المطر من فوق خضر البساتين

والعيد هل وشوفتك لحظه ادراك
لبا ابتسامه و جهك و ضحكه العين

تكبر وتكثر في عيوني مزاياك
سبحان من كون جمالك من الطين

اللي حصلي عشره اضعاف ماجاك
يالقاسي اللي شكلك الين من اللين

وخايف من اللي يبحثون ف خفاياك
لا ياصلون لحاجه بين قوسين

عن العمل

بدر العزي - العيد هل (حصرياً) | 2025
Bader Alezzi - Al Eid Hal (Exclusive) | 2025

كلمات : محمد الجعيدي
توزيع و مكس: حازم الابيض
فيديو: عبدالعزيز
توزيع ديجيتال : الفان