واسمهم بمخلابه صالح اليامي

على وضح النقا بالوضح جينا
وشوف خصومنا غارت علينا
وان دارت رحى باشات شمر
طحناهم وكنا الطاحنينا

تحالفوا بالبوقه
وكبودهم محروقه
كل معبي نوقه
يبون ابن جدعان

قال ابشروا يا شمر
حمي الوطيس وجمر
راع البكار الضمر
يضرب مهو بحلان

واسمهم بمخلابه
كل الجموع تهابه
هو سعد عين اللابه
اخو جوزاء بليهان

شمر بخالد تضرب
ما تنسحب ما تهرب
فيها الصياهد تطرب
من دونها بهتان

له مجد بام رقيبه
حاز الفخر والهيبه
كل العرب تدري به
مجده مهو مجان

ناسين لطاماته
يوم الطنايا جاته
الاوله عاداته
جننهم كحيلان

غلبا تعشق الاول
يوم الفعول تهول
الكل فر وحول
العمر يا شامان

الفوز حنا ناسه
طرق ان ندق اجراسه
نوماسه ونبراسه
والشمري طنيان

خالد وفعله خالد
ليت النساء ما تالد
الا بمثله خالد
يالله يا رحمن

عن العمل

شيلة الشيخ خالد اللغيصم
كلمات : حمد العيد
اداء : صالح اليامي
توزيع ديجيتال قنوات