على مهلك محمد طاهر 2025

على مهلك على مهلك وسمي ياعيون الكون
هلا والنور نورك يا العنود وحي هالطله
تباهي مثل غصن مرته نسمه فجر بالهون
عليك الفين بسم الله ماهو بس الف بسم الله

يا احلى اسم و احلى رسم و احلى وصف و احلى عيون
عطاك الله قبول ما انخلق بعده ولا قبله
بنظراتك شموخ وعز و بحكيك نغم و لحون
فرقتي بكل حاجه يالعنود الله عليك الله

يا احلى اثنين بالدنيا بدنيا الحب تتهنون
ذكرنا الله عليك انتي و على ماجد ذكرنا الله
تباهي يا العنود وفيك دوم الكل يتباهون
ويكفي ماجد من المجد انه ولد عبدالله

من سلطانه خذيتي الشكل وخذيتي منها المضمون
وعطتك اسمى خصال الطيب مع الملح والقبله
وعساكم في سعاده وبمحبه دايم تعيشون
مثل منتوا فرحتوا اليوم عقبال العمر كله

عن العمل

غناء: محمد طاهر
كلمات: خالد المريخي
الحان: محمد طاهر
توزيع: إسلام مرغني