كلمات اغنية الف ليلة وليلة - ام كلثوم

يا حبيبي الليل وسماه ونجومه وقمره وسهره
وانت وانا يا حبيبي انا يا حياتى انا كلنا فى الحب سوا
والهوى اه منه الهوى سهران الهوى
يسقينا الهنا ويقول بالهنا يا حبيبي

يا حبيبي يلا نعيش في عيون الليل
ونقول للشمس تعالي تعالي بعد سنه مش قبل سنه
دي ليله حب حلوه بالف ليله وليله
بكل العمر هو العمر ايه غير ليله زي الليله

ازاي ازاي اوصف لك يا حبيبي ازاي
قبل ما احبك كنت ازاي يا حبيبي
كنت ولا امبارح فاكراه ولا عندى بكره استناه
ولا حتى يومى عايشاه يا حبيبي

خدتنى بالحب ف غمضه عين وريتنى حلاوه الايام فين
الليل بعد ما كان غربه مليته امان
والعمر اللي كان صحرا صبح بستان

يا حبيبي ايه اجمل م الليل واتنين زينا عاشقين
تايهين محناش حاسين العمر ثواني ولا سنين
حاسين اننا بنحب وبس عايشين لليل والحب وبس
يا حبيبي الحب حياتنا وبيتنا وقوتنا
للناس دنيتهم واحنا لنا دنيتنا
وان قالوا عن عشاقه بيدوبوا ف نار اشواقه
اهي ناره دي جنتنا ناره دي جنتنا
والحب عمره ما جرح عمره عمره ما جرح
ولا عمر بستانه طرح غير الهنا وغير الفرح

يا قمر ليلي يا ضل نهاري يا حبي يا ايامي الهنيه
عندي لك اجمل هديهعندي لك اجمل هديه
كلمه الحب اللى بيها تملك الدنيا وما فيها
و اللي تفتح لك كنوز الدنيا ديا قولها ليا
قولها للطير للشجر للناس لكل الدنيا
قول قول قول الحب نعمه مش خطيه
الله محبه الخير محبه النور محبه

يا رب تفضل حلاوه سلام اول لقا ف ايدينا
وفرح اول معاد منقاد شموع حوالينا
ويفوت علينا الزمان يفرش امانه علينا
يا رب لا عمر كاس الفراق المر يسقينا
ولا يعرف الحزن مطرحنا ولا يجينا
وغير شموع الفرح ما تشوف ليالينا