كلمات اغنية سيرة الحب - ام كلثوم

طول عمري بخاف م الحب وسيره الحب
وظلم الحب لكل اصحابه
واعرف حكايات مليانه اهات ودموع وانين

والعاشقين دابوا ما تابوا
طول عمري بقول لا انا قد الشوق وليالي الشوق
ولا قلبي قد عذابه

وقابلتك انت لقيتك بتغير كل حياتي
معرفش ازاي حبيتك معرفش ازاي يا حياتي
من همسه حب لقتني بحب وادوب في الحب
وصبح وليل على بابه

فات من عمري سنين وسنين شفت كتير وقليل عاشقين
اللي بيشكي حاله لحاله واللي بيبكي على مواله
اهل الحب صحيح مساكين

ياما الحب نده على قلبي مردش قلبي جواب
ياما الشوق حاول يحايلني واقوله روح يا عذاب
ياما عيون شاغلوني لكن ولا شغلوني
الا عيونك انت دول بس اللي خدوني وبحبك امروني
امروني احب لقتني بحب وادوب في الحب
وصبح وليل على بابه

ياللي ظلمتوا الحب وقلتوا وعدتوا عليه
قلتوا عليه مش عارف ايه
العيب فيكم يا فى حبايبكم اما الحب يا روحي عليه
في الدنيا مفيش ابدا ابدا احلى من الحب
نتعب نغلب نشتكى منه لكن بنحب

ياسلام ع القلب وتنهيده في وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها ف عين العشاق
يا سلام يا سلام على حلاوتها يا سلام يا سلام
انا خدنى الحب لقتني بحب وادوب في الحب
وصبح وليل على بابه

ياللي مليت بالحب حياتي اهدي حياتى اليك
روحي قلبي عقلي حبي كلي ملك ايديك
صوتك نظراتك همساتك شئ مش معقول
شئ خلا الدنيا زهور على طول وشموع على طول

الله ياحبيبي على حبك وهنايا معاك
الله يا حبيبي يا حبيبي الله الله
ولا دمعه عين جرحت قلبي ولا قوله اه
مبقولش ف حبك غير الله الله يا حبيبى على حبك الله الله
من كتر الحب لقتني بحب وادوب في الحب
وصبح وليل على بابه