كلمات اغنية فكروني - ام كلثوم

كلموني تاني عنك فكروني فكروني
صحوا نار الشوق في قلبي وفي عيوني
رجعولي الماضي بنعيمه وغناوته
وبحلاوته وبعذابه وبقساوته
وافتكرت فرحت وياك قد ايه
وافتكرت كمان يا روحي بعدنا ليه

بعد ما صدقت اني قدرت انسى
بعد ما قلبي قدر يسلاك ويقسى
جم بهمسه وغيروني كانوا ليه ليه بيفكروني

بعد ما اتعودت بعدك غصب عني
بعد ما نسيت الاماني والتمني
كلمتين اتقالو شالوا الصبر مني
صحوا في عينيا حنينهم لابتسامك
صحوا سمعي يود كلمه من كلامك
صحوا حتى الغيره صحولي ظنوني

وابتدى قلبي يدوبني باهاته
وابتدى الليل يبقى اطول من ساعاته
واسهر اسمع نبض قلبي بيناديلك
روحي فيك مهما جرى انا روحي فيك
تسوى ايه الدنيا وانت مش معايا
هي تبقى الدنيا دنيا الا بيك

اللي فات وياك يا روحي بعود اليه
واللي عشته معاك رجعت اعيش عليه
بعد ما صدقت اني قدرت انسى
بعد ما قلبي قدر يسلاك ويقسى
جم بهمسه وغيروني كانوا ليه ليه بيفكروني

كلموني تاني عنك بعد طول حرماني منك
جرحوا الجرح اللي قرب يبقى ذكرى
سهروني اعيش لبكره وبعد بكره
يا حياتي انا كلي حيره ونار وغيره وشوق اليك
نفسي اهرب من عذابي نفسي ارتاح بين ايديك

والخصام والغدر وليالي الاسيه كل دول ميهونوش حبك عليا
واللي جوا القلب كان في القلب جوا روحنا واتغيرنا احنا الا هو
هو نفس الحب واكتر هو نفس الشوق واكتر هوا هوا

اه يا حبيبي حياتي بعدك مستحيله
اه يا حبيبي الحياة ايام قليلة
ليه نضيع عمرنا هجر وخصام واحنا نقدر نخلق الدنيا الجميلة
بالوداد والقرب نجدد حياتنا بالحنان والحب نبدد اهاتنا
والجاي نعيشه احلى من اللي فاتنا

القمر من فرحنا هينور اكتر
والنجوم هتبان لنا اجمل واكبر
والشجر قبل الربيع هنشوفوا اخضر
واللي فات ننساه ننسى كل اساه
يلا نلحق من الزمن ايام صفاه
دي الحياة من غير لقانا مش حياه
واحنا مش هنعيش يا روحي مرتين

فكروني ازاي هو انا نسيتك
انت اقرب مني ليا يا هنايا
حتى وانت بعيد عليا او معايا
تنتهي الايام وتطوي العمر بينا
وانت حبك انت للابد مالوش نهاية
حبك انت مالوش نهاية