كلمات اغنية يا الطاير مالك تبكي محمد بلخياطي

يا الطاير مالك تبكي واشتا بيك
عيد لي واش صرالك نعطيك بالي
يا الطاير عاهد ربي ما ناذيك
شفيتني وبكيت حتى انا قليل والي
لو نعيد لك همومي يا القمري نسيك
انت شتا صرالك في الدنيا كيما صرالي
لا تامن حبيب يا صاحبي يعريك
دير كالبحر وصفي ويدان الحمالي
يا القمري جيت تبكيني نبكيك
حتى انا ضحيت غريب وبعدتني عزالي
لو دير النيه ها القمري نربيك
تربي الجنحه بيهم تطير في العلالي
تربي الجنحه وتفوت على لي سمح فيك
كلي خدعني انا وامشى معاه عقلي
تروح يا القمري عند لي متهوله عليك
لا طولو في الغيبه حيموت والي
بعد ما تريح ترجع لي اهنا نوصيك
تدي الوجاب للبنت لي فاضحه هبالي
كان غرب الحال تبات في الشبابيك
والصباح تصبح ثما مع غزالي
حط فوق الليسي وارجاها تجي ليك
تدير ليك السلوم تطلع من السكالي
يا القمري خويا هذي وصايتي ليك
بعدما تروح لصافيه وتجي مولي
لا تخمي قوللها ما زال نبغيك
ايلا نسيتك يا صافيه شتا بقالي
سباب فرقتنا اعمري غي ماليك
منين درقوك عليا وانتيا قبالي
ذاك الشهر زعما لي قلت فيه نديك
كانت سباب الفرقه والاجل تالي
نبات ساهر طول الليل نخمم عليك
الدموع تهوطل والنوم ما حلالي
ناظم القصيده بلخياطي انسبها ليك
طايع الرجال العلما عز راس مالي