كلمات اغنيه ايوه تعبني هواك فايزه احمد

ايوه تعبني هواك وياك ياللي ظلمت الحب معاك
ايوه تعبت تعبت تعبت زي ما بتقول اتغيرت
اتغيرت من الحرمان مش باتحمل زي زمان
وانا هاتغير انا هاتغير
الا في حبك
طمن قلبك لسه باحبك
زي زمان واكتر بزمان
ياللي بتسال عن احوالي وبتستغرب ع اللي جرى لي
اتمنيتك تسال عني قبل بعادك ما يغيرني
سبت الدنيا تلعب بي تطفي بريق الشوق في عيني
حتى البسمه ساعات باناديها تهرب مني وتعصى علي
مين كان يتصور مين يبقى اللي ما بينا سنين
واحنا ما كناش نتحمل بعدنا لوطال ساعتين
وهاجيب الضحكه منين وان جت هاضحكها لمين
مع غيرك طعم الفرحه بيكون يا حبيبي حزين
توحشني انادي لك
لا تجيني ولا اجي لك
والاقيني على حالي
باتمنى تناديني
واستنى اتاريني
بانادي لك في خيالي
والاسم باحب ولي حبيب
اما ده حب عجيب وغريب
ايوه تعبني هواك
يا حبيب ايامي يا منى احلامي
يا اجمل اسم على لساني
لوكنت مكاني اكيد تنساني
ويمكن تعشق من تاني
لكن مع ان هواك حيرني ليالي معاك
راجعين للحب انا وانت نقول له الناس ظلماك
الحب حلو الحب جميل
ملوش في كل الدنيا مثيل
لولا حلاوته ما كان في هواه
في كل ليله قلوب بتميل
ليه الحبايب يختاروا ليه
من الهوا سهره وناره
ويعيشوا ليه الحب عذاب
وما يعيشوش فرح نهاره
وانا وانت في الحب نسينا نعيش حلاوه ليالينا
واهي رجعت الايام وياك بالفرحه بتنادي علينا
ده انا من شوقي باشوف الدنيا بعينيك انت مش بعيني
حتى الضحكه وحتى الدمعه امرها بايديك مش بايدي
في ايدينا نبقى فرحتين عايشين في دنيا العاشقين
يا منور ايامي يا مصور احلامي
يا واخدني فوق في العالي
يا عاجبني وتاعبني
يا شاغلني وسايبني
قول مين غيرك على بالي
عمر الزمان ما يغيرني طول ما انت جنبي
طول ما انت جنبي مطمني طول ما انت جنبي
ياللي انت اقرب لي مني طول ما انت جنبي