كلمات اغنية الاب كارم محمود

ازاي اجازي اللي رعاني علي افضاله وبايه اجازيه
اللي وهب عمره عشاني ووهب ماله ماصعبش عليه
دا الفضل لله ولابويا في وجودي انا واختي واخويا
وازاي اجازي اللي رعاني وبايه اجازيه
تعب كتير ولالان عزمه لاجل يشوفني في الدنيا رشيد
ينسي التعب ويزول همه لما يشوفني قدامه سعيد
والدنيا تحلا له عشاني ويشوفها احلام واماني
يا رب خلي لي ابويا في الدنيا انا واختي واخويا
وازاي اجازي اللي رعاني وبايه اجازيه
ياما سهر وشغل باله بمصير امري واتمنا ني
واتصور الغيب في خياله وسبق عمري قبل اواني
وعاش بروحه مع الاحلام واتصور الامل البسام
يا رب خلي لي ابويا في الدنيا انا واختي واخويا
وازاي اجازي اللي رعاني وبايه اجازيه
العطف والحب صحابي والتضحيه حلاقيهم فين
الا في رضا قلبه الوافي اللي عليا ما لقيته ضنين
يا رب خلي لي ابويا في الدنيا انا واختي واخويا
وازاي اجازي اللي رعاني وبايه اجازيه