كلمات اغنية مش باقى منى احمد سعد

مش باقى منى غير شويه ضى فى عينيا
انا هديهوملك و امشى بصبرى فى الملكوت
يمكن فى نورهم تلمحى خطوه
تفرق معاكى بين الحياه و الموت

مش باقى منى غير شويه قوه فى ردى حسبى عليهم و انتى بتخطى
مش باقى منى غير شويه ضى فى عينيا انا مش عايزهم
لو كنت يوم هلمحك و انتى بتوطى

فى معركه مفيهاش و لا طايرات و لا جيش
و انتى فى طابور العيش
بتبوسى ايد الزمن ينولك لقمه من حقك المشروع
مش باقى منى غير شرقه فى نفس مقطوع
و انا صوتى مش مسموع يا حلمنا الموجوع
من المرور ممنوع

مستنى لم يمر موكب سلاطينك
و مش باقى منى غير شويه كفر بشروقك
على شويه رحمه من طينك
على شويه صبر من دينك

مش باقى منى غير شويه لحم فى كتافى
بلاش يتبعتروا فى البحر

مش باقى منى غير شويه لحم فى كتافى
بلاش يتحرقوا فى قطر الصعيد فى العيد

بلاش لكلب الصيد تناوليهم
خدى اللى باقى من الامل فيهم
و ابنيلى من عضمهم فى كل حاره مقام
و زورينى مره وحيده لو كل الفين عام

الم الجراح يتلم و مش باقى منى غير شويه دم
متلوثين بالهم مرين و فيهم سم

و مش باقى منى غير شويه دم
ما قدرش اسقيكى مواجعهم
و برضه ما قدرش ارميكى و ابعهم
يمكن فى مره تطلبينى شهيد
ححتاج يوميها الدم يمضى على شهادتى