كلمات اغنية الشهرة يارا

على عيوني غمامه حزن تمطر هموم
ولا انبتت في خفوقي غير عشب الزهر
والحال هذا لو يطول معاي ويدوم
اخاف يزرع بساتين ويكون نهر
يا ساارقه من عيون المحب حمدان نوم
الليله رجع علي النوم ليه السهر
ليه السهر دام قلبي من غلاك محروم
وانا في حبك اذوب وعاشق ومنبهر

العام كنت استلذ الشوق في كل يوم
واليوم ما غير مره واحده في الشهر
تروم تزعل علي لكن انا ما اروم
لا يمكن ازعلك في سر ولا جهر
جمالك المحتشم خلاك شخص محشوم
وعفافك النادر يزيدك في عيني طور
مثل القمر نور وجهك في الظلام الكتوم
واذا تبسمت مثل الشمس عند الظهر

لو ان عمري مهر قربك انا قبل اصوم
انا اللي بسوم العمر ل اجلك مهر
لا تصير خصمي انا مانيب اهاب الخصوم
وش لون اهاب البشر وانا ما اهاب الدهر
الله خلقني على الدنيا حصان عزوم
عسفني محمد المكتوم وانا مهر
لو النجوميه تورث عيال النجوم
من باب حب الظهور الشخص منهم ظهر
الشهره تغير العالم في وجه العموم
لكن ما غيرت حمدان يوم اشتهر