يا غريبة الوليد ال عامر 2024

ياغريبه كانت ايامي قبل حبك غريبه
وصارت ايامي بعد حبيتك الاكثر غرابه

كثر ماكنت اضحك من اطرف حبيب مع حبيبه
كثر ماصرت ارحم العاشق ويؤلمني مصابه

يوم حاولت انجو ب قلبي واجنب باللي هيبه
كنت احسب الحب ضعف وموطن اهل الحب غابه

ودي اعيش العمر وانا قفص صدري نديبه
ماهوى الا المرجله ولا عشق غير الذرابه

ماانطربت الا ل سمعه فعل ابن مسلم قتيبه
ولاغبطت الا ذكا الحجاج في فن الخطابه

طول عمري مابعد وخذت حقوقي بالغصيبه
مالقت بقعا معي غير المكافح والصلابه

مادريت ان رحله ايامي — محطتها القريبه
تبتدي ب اخر وطن كنت اتمنى اطق بابه

جيت وضلوعي دهر والقلب وعروقه جديبه
وساقك الامر الالهي وامطرتك اكرم سحابه

يوم اخذتي مهجه فوادي ب سطوتك الرهيبه
ماقدرت امد كف — ولاقدرت ارد جاابه

صرت انا اللي ذاق طعم الاانتصار من الغليبه
والصويب اللي خطير يموت لو يبرى صوابه

كل م انوي منك ارد الحق — واليا ان المصيبه
الحرامي سلهمه عينك — ومبسمك النيابه

كل ماهبت هبوب الشوق ليللك فاح طيبه
انتشى الشعر وبدا الشاعر طقوسه ب الكتابه

جل شان اللي جعل سحرك بلا شبهه وريبه
محيي الموتى مميت الحي الا عز جنابه

هذا انا في كل يوم ابدا ب طيفك وانتهيبه
وكل ليل اموت في مبري عودك واحيابه

معك يربطني شعور المومن ل مكه وطيبه
لو مايربطني معك حبل العنوه والقرابه

ياربيع العمر ي حظ ابن هذال ونصيبه
اغدقي من عذب قرهودك سنا زهره شبابه

لين اعرف ان كل فرحه عشتها قبلك كئيبه
وكل ضيقه غير ضيقه غيبتك — كانت دعابه

خلي الدنيا وانا جنبك تجيب اللي تجيبه
وان حصل مهما حصل يطلبك قلبي بالنيابه

احكمي بالوصل وافتكي طليب من طليبه
واحكمي على الفراق اليا طرا حد الحرابه

ايه اخاف الفقد ومن ابسط شعور ب اي خيبه
ومن هزيمه دمعه عيوني ومن سجن الكابه

ايه انا الرجل العظيم اللي تقف خلفه حبيبه
لاذكرها لو تبيه يجيب راس غليص جابه

ابك انا في حبك اقوى ف المواقف واعتزي به
عزوه منها يخر اطلق شنب خوف ومهابه

ابك انا شوق العيوف اللي مناسبها عريبه
ماهيب عزوه جبان لا اعتزى محد درابه

وانتي اخذي عزك من اسم العتيبي واحتمي به
مثل ماخذ فعل جدك عينك بوجه التشابه

سيف جدك منه روس القوم كم راس غديبه
ونعس عيونك قلوب القوم تاخذها نهابه

شتتي معالم الحزن ب جمالك واحتفي به
احتفاء اللي وهبه الله غرامك واكتفابه

كل ماضاقت بك فجوج الجراهيد الرحيبه
اذكري بانك حبيبه شاعرا ربعه عتابه

همه ان طابت لك الدنيا عرف يلقى طبيبه
وان فقد وجهك تقاسيم الفرح يفقد صوابه

في ذرا وجهه وقلبك والله انه مايصيبه
لا حزن لاضيق لاخوف يتجرا ويهقابه

دونك اللي ماتصاعب لاجلك الاشيا الصعيبه
لاعطا قلبه عطا مايملكه حتى ثيابه

كل ماقال العذول الحب نارا وش تبيبه
قال حتى الموت لاجل اللي نحبه مرحبابه

هو غشيم مايعرف ان اي عاشق من عتيبه
انتحاري يسوق العمر مايحسب حسابه

عن العمل

يا غريبة - الوليد ال عامر | (حصرياً) 2024
Al Waleed Al Amer | (Exclusive) 2024
كلمات : عمر بن هذال
توزيع و مكساج : تــون لايــف
تصميم : ناصر البقمي Nasser I
توزيع ديجيتال : الفان ميوزك