كلمات اغنية يا بلدنا يا حلوه - عمرو دياب

يابلدنا ياحلوه بالناس الحلوه
والناس الحلوه في بلدنا كتير

في وشوش سمرا وجميله تقابلهم تبتسم
اسوان والنوبه عيله صوره حلوه بتترسم
المنيا سوهاج قنا في القلب قريبين
الاقصر اسيوط بيوت بالجدعنه معروفين

خدلك هنا احلى صوره منصوره باهلها
دي محله جمالها حلى الدنيا كلها
على راس البر روح واتفرج عالجمال
اشمون واخده العيون والقعده هناك خيال

الشرقيه الاصيله اهلي وبلد الكرم
قلبي علي ارض سينا رفرف زي العلم
وحشاني يابورسعيد واسماعيليه كمان
ياسويس انا اقول واعيد عن ابطالك زمان

شبرا ومصر القديمه ماري جرجس والحسين
وكنيسه في وش جامع في بلدنا العيد عيدين
اطلع عالاهرامات علشان حبك يزيد
هتعشلك احلى يوم دي الفيوم مش بعيد
صبح ع اسكندريه على ناسها واهلها
ايام غاليه عليا في العجمي وشطها
ماتروح مطروح كمان حبايبنا الطيبين
شايف سحر المكان هتلاقي ده كله فين

في بلدنا الحلوه بالناس الحلوه
والناس الحلوه في بلدنا كتير