كلمات عباس اعتنيتك مسلم الوائلي

عباس اعتنيتك واتعثر اجيتك
هاي ابطيحتك ياخويه تدري
اول مره احط ايدي اعله ظهري
واتعثر اجيتك

تعنيتك وطريت الميادين
ووليدي علي فاركني توه
ظلت فاهيه اعليك الصواوين
مدري افراكك ابزينب اشسوه
من اتخوصرت صاحولي يحسين
هالمره الفراك افراك خوه
هالمره انجفه العباس مو ماي
مو اخوك اليكلهم راح فدوه

غير اجدامي يهدن اوصله ويردن

حكي اتخوصرت ومدنك الراس
غير الطايح اعله الكاع عباس
واتعثر اجيتك

عباس اعتنيتك واتعثر اجيتك
هاي ابطيحتك ياخويه تدري
اول مره احط ايدي اعله ظهري
واتعثر اجيتك

من ابعيد شو ماعندك اجفوف
طاحن لوعيوني الوهدنني
ما اعرف اشصاير انه لا اشوف
كون اوصلك ويعمن هذني
انه حسين ما موتن بالسيوف
بس افراك عباس الكتلني
امشي وذكرياتك ترسن البال
ومدري اليا كتر عنك خذني

كبالي وماعرفتك انه امشي وعبرتك

حكي امدوهن وما اندل امنين
اول مره هيجي ايصير بحسين
واتعثر اجيتك

عباس اعتنيتك واتعثر اجيتك
هاي ابطيحتك ياخويه تدري
اول مره احط ايدي اعله ظهري
واتعثر اجيتك

اكعد يالاعز من ولد الحسين
فدوه لطيحتك يرحون ولدي
هيه البلوه مو بس موت وفراك
ولا بلوه اخيول ادوس جبدي
بس سبعين الف جانت يعباس
كلهم شافوا ادموعي اعله خدي
كون اكبالهم نتشابك وموت
مو عباس اليخليني وحدي

اول مره عباس بيه اتشمتت ناس

تدري اعيوني مو هين بجيهن
هاك اجفوف اديه وكوم بيهن
واتعثر اجيتك

عباس اعتنيتك واتعثر اجيتك
هاي ابطيحتك ياخويه تدري
اول مره احط ايدي اعله ظهري
واتعثر اجيتك

جلمه خويه ماتنكال بجفاك
وداعه خوتك تحرم عليه
كضيت الظهر من طاح عباس
وصارت عاده لليفكد اخيه
حيره اتفارك اليندلك اشبيك
وانته ابلا حجي وتعرف اشبيه
اول مره هاي ايغتني عباس
من مديتها وما كض اديه

وسفه ياعضيدي ماكضيت ايدي

الف وتسع ميه جرح ياناس
كلهن طلعن من افراك عباس
واتعثر اجيتك

عباس اعتنيتك واتعثر اجيتك
هاي ابطيحتك ياخويه تدري
اول مره احط ايدي اعله ظهري
واتعثر اجيتك

الله وياك لكن الله وياي
وين الله اموت وتكعد انته
من كد عازتي لحظنك يعباس
حته السهم كضيته وشبكته
اوصل للخيم ولوجهك اشتاك
واركض وانهطر والكاع سكته
كسره شيخ يم المالها اشيوخ
هيجي حسين بفراكك كسرته

اول مره الحسين تفزعله النساوين

حسين الما مخلي بخاطرك يوم
ايحط ايده اعله زينب يالله ايكوم
واتعثر اجيتك

عباس اعتنيتك واتعثر اجيتك
هاي ابطيحتك ياخويه تدري
اول مره احط ايدي اعله ظهري
واتعثر اجيتك