كلمات حضره السلطان مسلم الوائلي

يا حضره السلطان
وجهك كمر يضوي بدنيانه
يا حضره السلطان
اهلا وسهلا يا مولانه
يا حضره السلطان

كالوا حبيبي بديره بعيده
وانه كلت بعيوني مكانه
وبمولدك ايامي سعيده
يلما يصح بالدنيه حنانه
كل ليله احلم واتمنه
لجنه ضريحك اتعنه
والفقره بابك تندله
تنطي اليجيك بلا منه
يالضامن بحضرتك
حتى التعب يرتاح
وبشوفه من كبتك
انسه الاجه والراح

يبن القلع بيبان
حصن الهجر اقلع بيبانه
يا حضره السلطان
اهلا وسهلا يا مولانه
يا حضره السلطان

تحجي بغزل علمودك روحي
وانه بدايه عمري بعدني
من تغزلت برموش عيونك
البيتك حناني وشوكي اخذني
اتعب واجيك يا ابو محمد
الكه جمال الحب مشهد
خذني الك فدوه العينك
جمره حناني الما تبرد
جم ضامي منها ارتوه
صحنك سقايه ماي
مخنوك اريدن هوه
ادعيني يا مولاي

كلبي الك عطشان
يالعمك ايروي العطشانه
يا حضره السلطان
اهلا وسهلا يا مولانه
يا حضره السلطان

محتاجه روحي ابابك توكف
دمعتي بس انت التفهمها
محتاج اسافر يم عيونك
بعيونك الجنه وعالمها
انت ملاذي ومحبوبي
وبكل ظلام تضوي دروبي
وداعه اخيتك معصومه
شمه هواك تمحي ذنوبي
ميلادك اجمل خبر
يا ابا الحسن مبروك
بين البشر افتخر
عبدك وظل مملوك

شيخ الانس والجان
شيخ ويظل عامر ديوانه
يا حضره السلطان
اهلا وسهلا يا مولانه
يا حضره السلطان