كلمات اغنية سلمولي - خالد عبدالرحمن

سلمولي على الغالي سلام كثير
واخبروه اني اسهر لين يبدا الصباح
دمعة العين عقبه بالمحاجر تحير
ما تجيه عيوني كود عند المراح

ليت لي يا هوا بالي جناح واطير
البلى اني عليك اكفخ بليا جناح
حارب النوم عيني ما يطب النظير
من سبايب غرامك جوهر العقل راح

شالك الزين عيني يوم مالك خشير
والله اللي بلاني بك بليا صلاح
كن وجهك قمر خمسة عشر مستدير
ليت منه بلغ بك غايته واستراح

صد عني ترى عينك سهمها خطير
ما خبرت احد قبلك عيونه رماح
مثلما كنت باقدامك تدوس الحرير
انت يا زين باقدامك تدوس الملاح