كلمات اغنية فهمت قصدك - جنات

فهمت قصدك
بان من كلامك في البعاد هتلاقي راحتك
مقدرش الومك انت حر خلاص براحتك
اللي انت شايفه اصح ليك روح اعمله

وصلني ردك
انا لو عليا هقول يا ريتنا ما اتقابلنا
ما تشلشي همي هانسى كل حاجة بنا
ومفيش حبايب مش بيرضوا يكملوا

مابقتشي فارقه معايا حتى الذكريات
عايز تسيبني سبني وابعد من سكات
ان شاء الله تفضل طول حياتك كلها
عايش لوحدك

هانسى اللي عدى
هانسى الغلاوة والمعزة والمحبة
الدنيا بتنسينا دايما حبة حبة
الصدمة بس ساعات كتير بتهزنا

واهو درس خدتوا
واهو كل واحد فينا حر يعيش براحته
وان كان على عتاب خلاص اهو عدوا وقته
على بعدي عنك هفضل احمد ربنا