كلمات اغنية عواد محمد قنديل

على الربابه في المسا
البنت رقصت بالعصا
من بين الولاد يا ولاد
جت مالت على عواد
قلبه الحنين داب
قام سارح يا عيني وغاب
عواد عواد عواد
ويا الربابه و العصا
عواد خدوه عيونها توههوه
في وسط اهله و غربوه
و اتشوقوا له اصحابه و منين هيجيبوه
لفوا عليه احبابه يا عيني و لقوه
غريق و تاه في بحرها
و صار ليلاتي يروح لها
مطرح ما تمشي
في ضلها
عواد عواد عواد
ويا الربابه و العصا
عجبي عليك يا صباح مال الجدع ماله
لا ينام و لا يرتاح و لا زاد بيهنى له
عيني ع الجدع ويله بقى ويلين
امه و ابوه و نار الهوى الاتنين
على فين يروح عواد
قال هشتغل عواد
و معاها الف بلاد
عواد عواد عواد
ويا الربابه و العصا
شد الرحال من غير يعرف له سبيل
حط الرحال دا غريب و ماشي مالوش دليل
سارح معاها بموالين و ليل و ناي
يمشي و يمشي باليومين ما يقولش اه
ترقص و هو يقول يا ليل يا ليل
ع الناي بيعزف مالوش بديل
و الغربه صارت مشوار طويل
عواد عواد عواد
ويا الربابه و العصا
ايام تدور فاتت سنين
اه يا زمن يا ابو العبر
ما عادش حب و لا حنين
لكن يا ناس دا كان قدر
لقى نفسه ليله في البلد
لكن غريب سواح سواح
و لا حد عرفه م البلد
قالوا عليه مداح مداح
و لا حد ساله انت مين
و لا اسمك ايه
غير امه جايه بعكازين
تسال عليه
بتقول له
عواد لو تشوفه اتوصى بيه
عواد عواد عواد
يا ابو الربابه و العصا
الناي رماه شمر كمامه و قال انا
انا اللي كنت ابنك زمان والله انا
ما كانش كاري و لا كار خيلاني
لكن هواها خدني و رماني
فين فاسي اعوض عمر اللى فات
و اعيش لبكره و انسى الاهات
و التمر حنه تكبر و تطرح
الماضي راح و مالهش مطرح
عواد عواد عواد
و لا الربابه و لا العصا