كلمات اغنية بهيه و ياسين محمد قنديل

بهيه ويا ياسين
ويا النجوم قاعدين
يحكوا حكايتهم
و الليل معاهم بقلبه
هما صحابه و حبايبه
ولا ليله بيفوتهم
يشكوا لليل الهوى
حب انزرع ما اتروى
الا بدمع العين
الاهل بينهم فتاين
ماليه قلوبهم ضغاين
بتصيب هوى قلبين
شاربين مرار البعاد
يتلاقوا و الليل سواد
خايفين يشوفهم عزول
و الاهل ليه فرقوهم
و لدنيا ظالمه باعوهم
و الاه في ليلهم تطول
يا نجوم الليل يا سهارى
بتشوفي كتير عاشقين
احكي لنا ع اللي اتقال لك
لبهيه ويا ياسين
اهل الهوى قالوا
سهم الهوى طايش
يصيب منين ما يريد
عيني على احباب
عاشوا سنين في عذاب
و العشق مش بالايد
يقول بهيه عاشقاه
ومش هنساه
وايه في حبي غريب
قولوا لي امتى الغرام
في يوم من الايام
عرف عدو من حبيب
ياسين و صوته حزين
غرقان في شوق و حنين
سهران يقول مواويل
سهران يقول ع الناي
قصه لقا و فراق
شاهد عليها الليل
و يقول
دا انا قلبي والله اسد
تحلف بعزمه البلد
تحلف بقلب ياسين
لكن قصاد الحبايب
و القلب ملهوف وغايب
حتى الحديد بيلين
من تحت جناح الليل
يتقابلوا اتنين عاشقين
فاكرين الليل مداريهم
وعيون الليل شايفين
اهل البلد قاموا
لما العدا قالوا
بهيه حبت ياسين
لاموا النجوم و القمر
حتى الطيور و الشجر
ليه داروا ع المغرمين
والحب شاع في البلد
غرقان في شوك الحسد
وعزول سعيد فرحان
لما ياسين اختفى
زاد العزول ما اكتفى
حطم حياه ولهان
بهيه اخر الحكايه
قاعده ما بين الصبايا
و الاه تقولها اهات
محتاره والله الصبيه
تبكتي الليالي اللي جايه
والا زمانها اللي فات
ومن حيرتها و جروحها
كتبوا حكايه بدموعها
وياما قالوا ف كلام
اللي بيقول قتلوه
جاروا العدا و ضربوه
وبايه يفيد الملام
وصبيه تانيه تقول
دا كلام حسود و عزول
دا قتله والله محال
ما يكونشي ليه يا بهيه
من حيرته في الدنيا ديا
هاجر و شد الرحال
يا ليل يا شاهد عليهم
في الفرح او في الانين
انت اللي تدرى النهايه
ما بين بهيه و ياسين