كلمات اغنية يا عيني يا طماعة سيد خليفه

ياعيني ياطماعه ماشفتيه قبال ساعه
ليه تاني نمشي نقول ما للزياره اصول
خليني من الشوق من ذكرتو واهاتو
داير اعيد اتذكر القالو من كلماتو
حين قلت ليه بتنسى وحتفوتني زي الفاتو
ما شفتي وين وداني وكتين حلف بحياتو
في حبو شفت خلاصي في دربو شفت النور
وبقيت اكوس اعذاري علشان اجيه ازور
ما شفتي كيف كلماتو تاخدني كالمسحور
امالي تملا الدنيا واحلامي تبني قصور
انسان فريد في الرقه والبسمه ما بتفارقو
وراني طعم الدنيا يحفظ عيونو الخالقو
وكتين عيوني يتوهوا بالنظر ليهو بسارقو
ياخدني في موجاتو ليل الضفيره الطالقو