كلمات اغنيه جميله ومستحيله محمد وردي

يا جميله
ومستحيله
انت دايما زى سحابه
الريح تعجل بى رحيلها
عيونى فى الدمعات وحيله
اسمحيلا تشوف عيونك
اسمحيلا
انا لا الصبر قادر علي
ولا عندى حيله
يامراسى الشوق تعالى
لا اليالى تمر بدونك هى الليالى
من ضواحى الدنيا جيت
وعلي رحالى
لمداين فوق عيونك يا محالى
ريحينى
استرى حالى
فرحينى
عيونى فى الدمعات وحيله
انا لا الصبر قادر على
ولا عندى حيله
حدثت عنك نجمه جاره
وزرعت اسمك
حاره حاره
فى مناديل العذارى
فى مشاوير الحيارى
فى لحى الاشجار كتبتو
نحتو فى صم الحجاره
وبحت للشمس البتقدل
فى مدارها
عيونى فى الدمعات وحيله
اسمحيلا تشوف عيونك
اسمحيلا
انا لا الصبر قادر على
ولا عندى حيله
وانت منك لا بدايه
عرفت لسه ولا نهايه
مره اسرح
ومره افرح
ومره تغلبنى القرايه
ولمن اكتبلك وداعا
قلبى ينزف فى الدوايه
يا صبيه
الريح ورايا
خلي من حضنك ضرايا
عيونى فى الدمعات وحيله
اسمحيلا تشوف عيونك
اسمحيلا
انا لا الصبر قادر على
ولا عندى حيله