طرق خشوم

منهو حشمنا عندنا محشوم
و ياشين حظ اللي يعادينا

ماهو بطيب الا بطرق خشوم
عدونا غصب يصافينا

نكوي كبود اهل الردا بوسوم
فيها مياسمنا واسامينا

لطامه العايل على الخرطوم
اللي بغدره صار ناوينا

من خان هان ولا علينا لوم
لو تبتر اطرافه هنادينا

عود ذليل منكسر مهزوم
معقل اربع ماله معينا

ما ارتاح بال و لاهنا في نوم
يهج لا منا تعزوينا

يموت في غيضه وهو مهموم
يبطي ولا يلحق هقاوينا

تكرم الحانا عن ردا و سلوم
اهل الحكي اللي فعلهم شينا

طعانه الاعراض سفله قوم
اهل الخنا اللي ما تدانينا

ما همنا هرجه حسد و ارخوم
هاذي عوايدنا و مبادينا

نرقى سنود للعلا و نشوم
عادات اهلنا و رث ما ضينا

عن العمل

غناء فهد الحجاجي
كلمات خالد البوعينين
الحان حسن حامد
توزيع : مهند سيف
تصميم : أحمد المطاوعه