عبدالله ال فروان امر تدلل 2023

قال الهنا قلت الهنا لا عدمناك
اسهر معك ليل الهوى والسكينه
وياك انا واتقول انا بس وياك
ونعيش وتموت النفوس اللعينه
في عالم العشاق سويت مبناك
سقفك زبرجد وارضك الياسمينه
امر تدلل كل ما حولك فداك
والي تبيه يصير لا امرك رهينه
ادري الخطاء مني ومن غيرتي جاك
لحظه غضب هدت حصون حصينه
اصد ابعد عنك اروح اجفاك
يمكن اطيش بكلمتين مهينه
لكن تحمل وانتبه لا امر دنياك
مافيه زينه تستوي دون شينه
يا كم تحملتك اقابل خطاياك
بالعفو يا اغلى من كنوز ثمينه
اسوىء مزايا ما تغطي مزاياك
الي عشقتك لا اجلها والدفينه
الطيش وداني وشف وين وداك
والكل منا ضيعته من يمينه
ياكيف تنساني ويا كيف بنساك
والكل منا هلت دموع عينه
تبي الحقيقه والله اني بلياك
مثل اليتيم الي فقد والدينه

عن العمل

عبدالله ال فروان - آمر تدلل (حصرياً) | 2023
Abdullah Al Farwan - Amir Tedalal (EXCLUSIVE) | 2023

كلمات : فهد الشهراني
ألحان وأداء : عبدالله آل فروان
توزيع ومكساج : حازم الأبيض
تصوير : عمر عبدالله
فيديو : عبدالعزيز
توزيع ديجيتال : الفان