بدر العزي حاجة جديده 2024

تدري اني ما قدرت انساك بالمره مع اني
كل يوم احاول اشغل نفسي بحاجه جديده

لكن النسيان شي اكبر من عزومي ومني
يا شريط بذاكره راسي وراسي يستعيده

ويش اقول و وش تقول ليا سالوا عنك وعني
مابقالي لاجل اجاوبهم ولا جمله مفيده

اتمنى رجعتك ولا معاي الا التمني
والتمني للفقير اللي جلس على الحديده

وابتسم لا مر طاريك على بالي واغني
ابتسامه طفل جنب امه يصلي صبح عيده

انت ياللي منك دموعي ومنك ضحك سني
ماقدرت اذوق بعدك طعم الايام السعيده

في وجودك يختلف وياي حتى طعم بني
في يديك الملح والسكر تنقصه وتزيده

يوم حاولت امسكك بيدي فشلت وخاب ظني
ادمي والادمي ماهو بماخذ شي بيده

كل هذا ماهو بمعناه مابيك امتهني
دايم ادعي لك لو يديني عن يدينك بعيده

حبي اكبر من طمع نفسي بدنيا في تدني
الطمع ما زود ابنادم ولا نقص رصيده

ولا انا ساكن بريدك بعد ما حبك سكني
كل يوم اخط صفحه يارساله ياقصيده

مابقالي من حبيبي شي يرضيني لكني
بتشرف واعتبر نفسي رساله في بريده

وانت حاول ماتواخذني على ازعاجي لاني
كلما قفلت موضوعك بدا قلبي يعيده

اعرف اني متت فيك ليا دفني من دفني
والحقيقه يفعل الله ما يشاء وما يريده

عن العمل

بدر العزي - حاجة جديده (حصرياً) | 2024
Bader Alezzi - Haja Jedeah (Exclusive) | 2024

كلمات : بدر المحيني
تسجيل : عبدالكافي العجمي
توزيع و مكس: أحمد حبيب
فوكال : عبدالمجيد العكاد
تصوير : تركي
فيديو: عبدالعزيز
توزيع ديجيتال : الفان