كلمات اغنية لو بكايا هماك محمد وردي

لو بكاي هماك ولو شقاي اشقاك
ما كنت يوم فارقتني خاصمتني عذبتني
يا ما دربك كنت بفرشو ورد وحنيه واماني
يا ما عهدك صنتو وما خنت وكان ليك حناني
يا ما من ليلي ونهاري ودمعي بنسج لك اغاني
وكل كلمه من غناي فيها من حبك معاني
ان نئيت برجاك
وان نسيت بطراك
وان قسيت بهواك
جيت اعاتبك واشتكيلك واشرح الحب من بدايتو
قلب خاضع مافي رافع بس عليك تسمع حكايتو
انت حاكمو وانت مالكو وانت في ايدك وصايتو
انت لو حكمت قلبك ما اظن ترضى بنهايتو
العهود صونوها
اوعو لا تخونوها
دا حرام تنسوها
تبقى جنبي وننسى كل الدنيا نغرق في الاماني
واشتكيلك يا حبيبي منك انت ومن زماني
في غيابك يا ما ليل الغربه بالالام رماني
ابكى عيني وابكى روحي وابكى قلبي يا حناني
يا امل يا لطف يا حنيه وينك من عيوني
لو تعود وتجيني
القى فيك حنيني
وانسى بيك انيني
ابتساماتك ربيع دنياي يا ما عشت فيها
فتحت في دربي اشواق الليالي البشتهيها
دي السعاده المن زمان بسال عليها
بي كياني بي شبابي بي حياتي افتديها
الاله يرعانا
هنا الغرام ضمانا
ونحن ما احلانا