كلمات اغنية عشت يا نيل محمد بشير عتيق

عشت يانيل دمت يانيل
بيك فليهنا شبابك

نحنا يانيل من صحابك
بل ومن خيره شبابك
نستقي الروح من غيابك
في مرورك وانسيابك
منظرك ساحر جميل
تجري في الروض سلسبيل
عشت يانيل دمت يانيل

انت يانيل في فياضك
وارتفاعك وانخفاضك
نحنا نتعشق رياضك
وعزمنا يذود عن حياضك
لى اغانيك نترجل
وبيك نفاخر كل جيل
هس والماضي القبيل
عشت يانيل دمت يانيل

نحنا اصحاب المعامع
ذكرنا اجتياز المسامع
كم وكم ردينا طامع
بالفشل راح طرفه دامع
انت يانيل لينا يانيل عشت يانيل

نحنا ابناءك وجنديك
نحنا اعداء من يعاديك
نحنا ان لم نحمي واديك
لينا ماكان طاب شرابك
عشت يانيل