كلمات اغنية جاني كلام - محمد عبده

جاني كلام اني معك كنت كذاب
واني محملك الشقى والاسيه
واني ابيع الود وابيع الاحباب
وش باقي ما قلته حبيبي عليه

ظالم واخاف عليك من يوم وحساب
ياخي حرام اللي تسويه فيه
ارفع ايديني طالب رب الارباب
واتذكر العشره وانزل ايديه

شمت فينا اغراب وابعاد واقراب
خليت ذا يحكي وهاذي وذيه
اهديلك البسمه وتهديني انياب
ليش الوفا في شرع مثلك خطيه

الله بلاك بناس تفرش لك اهداب
والله بلاني بناس ماهي وفيه
ياليت عندي شوي من غدر الاصحاب
ياليت عندك من وفايا شويه