كلمات اغنية بحر السراب محمد النصري

يا فرحه فى بحر السراب يا كلمه فى اول جواب
يا واحه فى ليل الصعاب اخر شعاع وسط الضباب
يا نجم من دنيانا غاب يا اغلى ما تحت التراب
تنخلفى قبال العذاب بيك برسل الاهات خطاب
يمه يا الامل الرحل قبال يقول كلمه وداع
يمه يا النور الخفت قبال يرسل خيط شعاع
يمه يا دمعه فطيم خلوه لي ليل الضياع
يمه يا مركب نجاه غرقت قبل تفرد شراع
يمه يا نجمات صباح مرن سراع مرن سراع
يا يمه من بعدك انا اصبحتا للاهات وطن
دروشتا فى خلوه اساى سبحتا بخرز المحن
كتحتا صبري انا للرياح غنيتا للاحزان بكن
دقيته باب الذكريات كان القى لى هناك سكن
ما لقيتا صورتك فى الخيال لا شفتا من بعدك زمن
ودرتا لى درب الرجوع كل المعالم اختفن
فتشتا فى كل البلاد كان القى لطيبتك مثيل
دورتا فى كل البقاع شايل عذاب ليلا طويل
زادى الوحيد كان الصبر فى الظلمه والزمن العليل
زمنا يشيل حق الضعيف يديهو لعابر سبيل
زمنا يغير كل شئ حتى الزمان كان مستحيل
يا يمه كيف يتبلا شوق والشوق على كل يوم يزيد
لا انتى بنتى ولاهو راح لا غيرو الزمن المديد
يا يمه بعدك لا فرح طلانا لا ضمانا عيد
غير خيط امل يبدا ويروح كل ما العذاب يرجع يعيد
كل ما اقول يا داك فرح القاهو منى بعيد بعيد
لكنى راجع ليك انا بالرغم من كل المحال
جايك عشان اعرف خطاى من وين تستف للرحال
جايك لو كان مستحيل جايك او كان بالخيال
راجينى لو كان فى الحلم ما الدنيا من بعدك زوال
عنوانى خلف اللاوجود يا امى يا ابعد منال