كلمات اغنية يعني خلاص محمد النصري

يعني خلاص قررتي تسافري
وتنزعي فرحك من جواي
ايه قوليلي وراك فاضلي
لما يغيب قمري الضواي
ياتو طريق يهديك الرجعه
ويدي مسافه السكه خطاي
وياتو دموع تكفيني انوحك
مهما يطول يا غاليه بكاي
بحر الدنيا الهايش فيهو
وتايهي مراكبي بلا هداي
وانتي حياتك ياها حياتي
كيفن اقدر اعيشها براي
انتي مناهل عشقي الصافي
لما تفيض تغمر دنياي
وانتي معاني العشق الزاهر
وانتي منامي وانتي صحاي
لما ترحلي يا محبوبه
بتمشي جيوش الهم تالاي
تهدم صبري الداخره عشانك
دنيا فداها نزفت دماي
ايوه بريدك من اعماقي
انتي حياتي وانتي مناي
شلتك في احساسي معاني
انسابت بي لحن غناي
عشتك فرحه وروعه وبسمه
ما خليتك لحظه وراي
وحتى القمري الاحزنه بعدك
ردده ليكي مع القوقاي
رسلي طيفك لي يواسي
لما تعودي تقبلي جاي
ياهو وحاتك لما تغيبي
يبقى انيسي ويبقى عزاي
بلغي دارك عني تحايا
قدر الشوق الباقي معاي
وكم ناديت لي طيفك يرجع
الا ارتد علي صداي
شيلي هواي في دربك زادك
يلا اتكلي علي مولاي
الله يسهل ليكي طريقك
ليهو الاهي رفعت يداي
والاشواق الدامت بيننا
ليك مرسالي مع الهبباي
وما بنساه الحسن الودر
بي طلت عينيك شقاي