كلمات اش اداني الهاشمي قروابي

واش اداني ولاش مشيت
في البلاد البعيده حطيت
يا درى نولي نشوف البيت
ونشوف بلادي كي ولات

خليت احبابي والصدقان
بيهم العشره تزيان
حياه حلوه في لامان
مع خواني ماذا عديت

في البحر وشطوطو ذهبان
السهره تحلى مع لخوان
الموسيقى بميزان
هكذا يتحققوا الحلات

ما حلى القعده في سيدي فرج
مع ولاد الحلال اتفرج
السعيد وسيد احمد
وعزيوز زين القعدات

زيد من ثمه لبوسماعيل
محمد وعمر بالدليل
في لجنان والغصان تميل
كول واشرب واعمل نشوات

السهره في زمان الصيف
اللي نحبو ناشط وظريف
في كلامو مسرار خفيف
زادو تحفوه الموجات

هكذا نتهنى ونعيش
هكذا عيني ما تبكيش
ربي رزقوا ما يخطيش
عاونونا يا اهل الدعوات

قولوا معايا يا لخوان
نشا الله البهجه تزيان
اللي مغرب في كل مكان
يصبر ويساعف الاوقات

انشا الله هذا حد الباس
مدام المتعال بي عساس
الهاشمي في كلامو قياس
طايع شياخي والسادات