كلمات اغنيه انا الاديب وانتم ادرى الشيخ امام

انا الاديب وانتم ادرى
وعاشق الناس والخضره
لا عمري طبلت ف حضره
ولا قلت حاضر للنصاب
الله الله يا بلدي ولا كنا صحاب
خاين ولا حد يجيره
زي الكلاب يلقى مصيره
قتيل وفايتلنا غيره
ماشيين وف نفس السرداب
الله الله يا بلدي مخبر ع لباب
سلام مربع للجرانين
فارشين صور تحت العناوين
سينا اللي راجعه عريسها عليل
واغلب المعازيم عزاب
الله الله يا بلدي والكل كلاب
ادي السلام ولا بلاشي
سينا اللي مدفع ما فيهاشي
بالامر جيش ما يروحهاشي
حطولها قفل ورزه وباب
الله الله يا بلدي والارض خراب
مشوا الجيوش مشيه وزه
ترقص وعقبال يوم غزه
اشرب وحيجيبوا المزه
من اورشليم فستق وكباب
الله الله يا بلدي والعيشه هباب
ما احلى السلام بطل كلاكيع
ممنوع كلام ضد التطبيع
علشان ما يلحق نفسه يبيع
احلامنا يا حلاوه الاحزاب
الله الله يا بلدي شوفوا الكذاب
اصل الحكايه ان بهيه
مدبوحه وبتدفع ديه
يا مصر حتعيشي مطيه
اذ يحكمك دبوره وكاب
الله الله يا بلدي سنوا الانياب