كلمات اغنية ذكرتيني سعد جمعه

ذكرتيني وجيتيني تقولين الامل مامات
ومابيني ومابينك سحابه صيف وانزاحت
بدونك ياشقا حالي اعد الثانيه ساعات
لاجل ذكراك في قلبي مع الايام ماراحت
فؤادي ماقوى ينسى وعيني تذرف الدمعات
مع الايام مارخصتك وفرصه عمرنا تاحت
وقفت ابكي واطالعها واراجع مامضى مافات
وهي مثلي تطالعني ودمعه حزنها ساحت
ولامس كفها صدري وحست سرعه الخفقات
وقالت ادمح الزله ويدها في يدي طاحت
تبادلنا دموع الشوق وعايشنا الفرح لحظات
وتفارقنا على ميعاد بعد مانفسي ارتاحت
طلبت اللي جمعني بك يكرر بيننا الفرحات
وانا راضي بمقسومي وعيني منك لو ناحت