كلمات اغنية معك ياقائد النهضة ماجد الرسلاني

من استحضار للماضي خذيت الراحلين شهود
وانا دايم مواثيقي على اللي فات مبنيه

عن الماضي من الحاضر تجاوبني نصيحه عود
وصيه شايب تكفي عن الاعمال و النيه

سوى الثنتين ما نقبل لو انا نندفن بالعود
ولانا للملوك و انتمانا للسعوديه

ولو تعرض لنا الدنيا عوض عنها بدون حدود
تعاف نفوسنا كل الدول لاجل السعوديه

خلقنا في ثرى هذا البلد يا محمد ال سعود
و نرخص دونها الدم وتعيش الدار محميه

نبايعكم على قمه طويق الشاهق المشهود
ولاهي بيعه ارباب الفساد ولا الحراميه

لكم باعناقنا بيعه وفاء ياسيدي وعهود
قبل تخلق مشاريه الرجال ونارها حيه

الى من شاقت النفس العزيزه ريحه البارود
ترى شغمومنا عنده على النيران ماريه

تعزوينا باخو نوره واخو نوره سليل الجود
الى وصلت محك العظم صرنا حسنه وسيه

يا اعدل من حكم وانصف وجاب الطايله والزود
وتساوت عنده حقوق السعودي دون حزبيه

يا ورثه من عدل عوج الكبار ونوخ المقصود
و وحد في ذراه اطهر وطن باحكام شرعيه

عليك المدح لا هبت شمال وذعذعن النود
يجي من دون وقفات الكبير وقبل طاريه

اذا صدر الشمال اوسع عن اللي دون والمنقود
ترى هذا الشعب كله صدوره لك شماليه

تقدم يا عظم شانك وحنا في ذراك سنود
نسيرها على درب هل العوجا مناهيه

معاكم من بدا التاريخ يوم ان الليالي السود
ترد الرجل عن شوره ويرجع عن مساعيه

معك يا قايد النهضه معك يا سيفنا المجرود
على عنان السماء نمشي ووجهتنا سماويه

شبيه معزي محمد نهار المعضله والكود
له قلوب البشر ترقب كالاقمار الصناعيه

تجيه اعظم مقاليد الامور مقيده بقيود
وتروح محرره مثل الطليق ليا لقى فيه

له العالم وقف دهشه وحنا شعبه المحسود
على ما الله عطى هذي البلاد من الخصوصيه

ولله الثناء كله وسبحان الله المعبود
رزقنا بابلج فوق البسيطه ما يجي زيه

وسم عنوانها سمعا وطاعه يا عيال العود
وباقي ما تشيل من الرسايل غير مخفيه

سعوديين ما نرضى سوى سلمان وال سعود
ولا نقبل سوى محمد فخر شعب السعوديه