كلمات اغنية سديت بابك - دموع تحسين

ماطاب جرحي البكلب ماطاب
والموت احبه ماحسبلي احساب
هوه اني مامكتوبلي الكه احباب

سديت بابك بالوجه سديت
ياتعبي لمن عفتك اتعافيت
فز اللي مات الها ابن فزيت
لمن هويتك

قصتي بغرامك عيب ماتنكالم
مو راحه حبك جان دوخه بال
اهتميت بيك وشبعتني اهمال
لمن هويتك

مو كلبي مل
بالحيره ظل وهمومي ماتخلص

وكت الفرح
يمي انت بس بالشده تترخص

ذكرك نسيته ولا هلا بطاريك
جويت كلبي الجان ميت بيك
من جنت تعطش دمعتي الترويك
واحمل اذيتك

من دفتر العشره انت ذكرك راح
ولميت دمعي اللي بغرامك طاح
بخدودي رجعت ضحكه المرتاح
لمن نسيتك

راحه البعد
لا لا ترد كلشي انتهى بوكته

اعذرني ما
نرجع سوه لو تظل بس انته

يمي شبقالك وين راجع وين
حبيتك وماتسوه نظره عين
من الله اجت الفركه اي همزين
خلصت عشرتك

بس افتهم تحرم سويه نعود
روحي اني ملت حجيك المعيود
من بالي شلتك والدموع اشهود
خلصت عشرتك

يمي انت اذا
صرت الهوا لو اموت ماشمك

صرت اني لك
حيل اختنك من اسمع باسمك