كلمات اغنية ذهب الليل محمد فوزي

ذهب الليل وطلع الفجر والعصفور سوسو
شاف القطه قالها بسبس قالتله نونو

ماما قالتله سيب القطه وخليها فى حالها
ساب مدرسته ورمى كراسته وراح جر شكلها
راحت القطه مخربشه ايده لما مسك ديلها
وادى جزاه اللى مايسمعش كلمه ماما تقولها

ذهب الليل وطلع الفجر والعصفور سوسو
شاف القطه قالها بسبس قالتله نونو

ابله قالت لي فيفي الحلوه زعلت من سوسو
راح يصالحها وباسها وهى حلفت ما تبوسه
جابت الحبر وعصرت ايدها وجت بشويش جانبه
مسحت ايدها فى وشه وعملت قال ايه بتلاعبه
سوسو ضربها ومسك الحبر اللى فى ايدها وقلبه
على فستانها وشافهم بابا ضربها وضربه

ذهب الليل وطلع الفجر والعصفور سوسو
شاف القطه قالها بسبس قالتله نونو

ندر عليا لاجيلكم واولع شمعه من شمعه
لحد الشبر ونص ما يكبر ويروح الجامعه
ميدو دكتور وسعاد دكتوره واحنا ندعيلهم
وحسام يبقى محامي وتوتو قاضي يصالحهم
واحمد بكره هيبقى ظابط ويدافع عنهم
يفدي وادي النيل بحياته وحياته منكم

ذهب الليل وطلع الفجر والعصفور سوسو
شاف القطه قالها بسبس قالتله نونو

اخترنا لك

كلمات اغنية ذهب الليل محمد فوزي

جميع حقوق ( كلمات اغنية ذهب الليل محمد فوزي ) هي ملك لاصحابها و تعرض هنا لغرض القراءة فقط
All song lyrics on the site are property of their respective owners and are presented here for reading purposes only