كلمات اغنية كل ده كان ليه محمد عبدالوهاب

كل ده كان ليه لما شفت عنيه
حن قلبي اليه وانشغلت عليه
كل ده كان ليه
قال لي كم كلمه يشبهوا النسمه في ليالي الصيف
سابني وف قلبي شوق بيلعب بي وف خيالي ليه
احترت اشوفه فين وان شفته اقول له ايه
كل ده كان ليه
اللي حيرني واللي غيرني واللي فاتني ف حال
نام وسهرني والا فاكرني والا مش عالبال
صبحني ف هم وويل من طول ما بفكر فيه
نساني انام الليل خلاني ابات اناجيه
كل ده كان ليه
ليه بيحرمني من سؤال عني وافضل استناه
لو يكلمني كان يطمني ع اللي بتمناه
يا شاغلني ليل ونهار بغرام ما اقدرش اداريه
شوف قلبي وشوف النار اللي انت قايدها فيه
كل ده كان ليه