كلمات اغنية تبعك عذاب ميحد حمد

تبعك عذاب او شوفك اعطال والصبر طال او وصلك اشحيح
ناحل وجسمي جنه اهلال ويميل من نسمه هوى الريح
بي من وداده باخص الحال لا سباب من قل التصريح
قلبي عويج وصابه اويال وغيري عن اما صابه امريح
جن ابحشايه لاظي الصال نار الغضا وتهبه الريح
طوفان حبك موج شلال ومركب غرامي لوح ويشيح
يلوث وين الغبه اديال وين الهوامش والتماسيح
شفني شرى لي يتبع اللال واللال غدرانه منازيح
يا عاذلي شف وصله امحال مبعد غريب وياخذ الريح
مثل الظبي لي خز يفال لي شاف م القانص ملاميح
ريم عليه الوصف ينقال يرعى قفر صبح المياضيح
يا بن خليفه عنكم انسال ومن صوبك الشرتا مطاييح
كل نظر في حالي ايسال ويسال يللي قلبه امريح
ما يستوي راحل ونزال واللي شجي وفواده امريح
واثنين ما صاروا على حال يضحك وذاك الثاني ايصيح
حر خفق من راس متلال لغروب فروا له تلاويح
يا غر يا بو عود ميال يا بو خصور لك مكاشيح
شوفك يخوز ضيقه البال ويبري جروح اللي مجاريح
عسى ديارك يوم همال يروي فيويك والمطاييح
سيح الغريف وروس ليبال والساد ورمال مناويح
في مرتع الخلفات لا بهال اتم غدرانه ضحاضيح
عم الوطن من سيح ورمال اشهور وايام مراويح