كلمات اغنيه المخدرات احمد مكي

في كل لفه عقرب ساعه

عمري بيتسرسب بيعدى

الناس والدنيا بتتغير

حتى الحديد بيصدى

وانا الوحيد واقف مكانى ثابت

في ناس اختارت سكه صابت

ناس تانيه اختارت سكه خابت

احساس قاسي وصعب

لما الناس تشوفك فاشل

ابوك وامك واخواتك وصحابك

شايفينك عاطل

قوم يابنى اسعى وحاول

والله غلبت احاول

ياما حاولت و قبل ما الجون يجيي يطلع فاول

معنديش مهاره وحتى كوسه

وحوستى حوسه

ودوست بعد اخر البنزين بدوسه

في كل مقابله شغلانه يتقالى لف نفسك

شهادتك معادتشي جامده

اي حيط وخدلك بوسه

رجعت فلاش باك حسبت سنين عمري 30 سنه

لقيت حسبت تانى وتالت واتخضيت

ببص في المرايه كم شعرايه بيضه لقيت

وابويا هو الى لسه بيصرف ع البيت

بتعامل من عيلتى على انى عاله

وحالتى حاله ثقتى بنفسي راحت

النجاح بقى استحاله

نفسي اهرب من نفسي ومن حالتى و من عيلتى

ومن الدنيا

نفسي القى دنيا اهرب ليها ولا حتى ثانيه

وفي يوم قالهالى صاحبي

والى يدلك عالطريق

ميفدش صاحب غير صاحبو اسمع من الصديق

قالى في قعده ضرب حلوه باليل عاملينها

سالتو هاش ضحك وقالى بيسه

قولتله لا منها

قالى متخافش مش ممكن تدمن من اول شكه

اقنعنى باليل فعلا شكيت اول شكه

مفاصلي ساحت وارتاحت وروحى راحت

بكلم نفسي من جوه وبرغي من بره ساكت

همومي شبه تاهت والرؤيه بهات في باهت

كل مشكله كانت عندى في الدنيا ماتت وتاهت

عدت ساعات في ثانيه لقيت الصحبه قايمه

دخلت بيتى وش الفجر عيلتى كانت نايمه

دفنت نفسي تحت البطانيه جسمى مثلج

نمت في اقل من ثانيه نومت واحد مبنج

قطر الحياه بيعدى بسرعه سنه في سنه في سنه

وانا زي مانا من لما كان عندى سنه

هى هى الحياه

هو هو ده انا

زهقت وطهقت من الحياه

فقت ورجعت تانى للواقع والعكننه

عدى النهار بطيئ كانو كم شهر وسنه

نفسي النهار يعدى بسرعه واضرب تانى

ارجع ملك زمانى وابعد عن العالم

خلونى اضرب معاهم وكل يوم اتعزم

خلاص دخلت السكه والطريق بيترسم

فاجئنى صاحبي في يوم قالهالى في وشي خف تعوم

اجيب منين فلوس ليا وليك نضرب كل يوم

شخشخ جيبك يا مان قعدتنا دي تكون محروم

من النهارده مفيش دره بلاش مفهوم مفهوم

روحت وتانى يوم في معاد الضرب جسمى اتكهرب

كراكيب في ظهري ومناخيري سايله وبتسرب

عاوز اضرب منين اجيب فلوس منين اجيب فلوس

بدات استلف من كل الى اعرفه وادوس

وحتى اخواتى خدت منهم ياما فلوس دروس

كلو كرهنى وبيهرب منى

50 جنيبه في 50 في 100 في 100

بسرق يوماتى فلوس من البيت وكلو شك فيا

نزلت بيعت كل حاجه جتلى في يوم هديه

خلصت فلوسي لحد ف يوم ما جتنى يوم فكره هى هى

ذهب امى موبايل اختى لاب توب اخويا

سرقتهم نزلت اهرب من البيت وقفنى ابويا

حاول يمنعنى مسكنى من ايدى جامد

زقيته اتخبط في الحيط بصلي ازاي ابنو واذيتو

خد منى كل حاجه و تربس الباب غضب

ساعتها طلبت اغرب حاجه ممكن تطلب

عاوز فلوس حالا ياما هرتكب جريمه

اتهمنى بالجنون وادانى كم شتيمه

ببان كل الاوض بتتفتح عيلتى بتتفرج لسه بيستوعبو

يمكن ده جد يمكن بيهرج

سحبت بنت اختى 3 سنين ناحيه شباك

هاتو الفلوس لارميها فجاه زاد الارتكاب

امى بكت بحرقه قدامى فقت ثوانى

رمتلى فلوس وبصوت عالى مشوفش وشك تانى

امشي ملكش ام يا ابغض من شيطانى

اخدت الفلوس ومشيت مش راجع بيتى تانى

قطر الحياه بيعدى بسرعه سنه في سنه في سنه

وانا زي مانا من لما كان عندى سنه

هى هى الحياه

هو هو ده انا

زهقت وطهقت من الحياه

سبت كل اهلى وصحابي بقيت وحيد

منين اجيب فلوس لازم القى طريق جديد

فجاه افتكرت جار من سنى ساكن لوحدو طول عمرو

ابوه ف اعاره بره مصر و شهرى فلوس يبعتلو

شديته زي ما اتشديتت انا لنفس الطريق

لقيت مصدر فلوس جديد وبيت و ايد صديق

نضرب سوا في بيته بفلوسه ملناش ظهور

شقى سنين ابوه خلص في اربع شهور

وفي ليله بنضرب جاتلو مكالمه مصدقهاش

ابوه عرف ان ابنو بيسرقو اتنقل انعاش

كل عصب في جسمى توتر زودت الجرعه

الجرعه المعتاده خلاص مبقتش بتار

شريط حياتى بيتعرض اكبر في اكبر

ضربت السم في عروقي زودت اكتر و اكتر

نفسي افنى واخلص من الدنيا زي الميه اتبخر

كمان زودت سنه جسمى كلو اتلون اصفر

صاحبي اتفزع قام واتسرع

مالك اصفر ليه يا جدع

جسمك عرقان وبتترعش زي الى من الحيه اتلدغ

رغم انى غرقان في العرق جسمى مثلج موجوع وجع

من خضتى جيت اسلب طولي جسمى على الرض اترزع

جسمى رافض لكل امر منى القوه اتهدت

والدنيا بتظلم تدريجى واحده واحده اسودت

اخر لقطه في حياتى شوفتها كانت ماساه

صاحبي مرعوب وبيراقب فراقي للحياه

قطر الحياه بيعدى بسرعه سنه في سنه في سنه

وانا زي مانا من لما كان عندى سنه

هى هى الحياه

هو هو ده انا

زهقت وطهقت من الحياه