حياهم

حي من يانا وحياهم
من لقاهم لين ملفاهم
اقبلوا من بعد ما غابوا
ما قوينا طول فرقاهم

انتقهوى شوق في الغيبه
اتعبونا حيل وياهم
ما يزين الوقت والفرحه
كود يمنانا بيمناهم

‏الغلا مبني على مبداء
ما تغير لو فقدناهم
نتسابق طيب ويماله
وان تحدونا انتحداهم

بيننا وعد وعهد باقي
مهما غابوا ما نسيناهم
وان بطوا عنا ولا يونا
بالغلا والود ييناهم

عن العمل

حياهم - الحان محمد الأحمد وكلمات علي أحمد المنهالي

كلمات : علي احمد المنهالي
الحان : محمد الأحمد
غناء : كورال الإمارات
توزيع : زيد عادل
ايقاعات : سمير القطان
وتريات : هيثم سعدون
عود : صادق جعفر
قانون : حسن فالح
ناي : وسام خصاف
جيتارات : فرشيد
هندسة صوت ومكساج علي الامير
ادارة فنية خالد الأحمد
منتج منفذ ستوديو الوطن